1,772 Бардыгы /

“Кырк чоро” деген аталышта таанылган “Кыргыз чоролору” коомдук бирикмеси 13-мартта Бишкекте митинг уюштуруп, калаа мэри Азиз Суракматовдун жана мэриядагы башка жооптуу кызматкерлердин отставкасын талап кылмакчы. Алар шаар бийлигин 8-марттагы жүрүшкө уруксат бергени үчүн күнөөлөп жатышат.

Бирикменин башчысы Замирбек Көчөрбаев “Азаттык” радиосуна билдиргендей, алар 11-мартта мэрияга барып, нааразылык акциясы тууралуу маалымдашат.

Уюмдун мүчөлөрү “8-мартта аялдардын укуктарын даңазалаган иш-чаранын шылтоосунда ЛГБТ коомчулугунун жүрүшү болду” деп жатышат. Мэрия бул акцияны уюштурууда эрежелер бузулбаганын билдирген.

8-март күнкү акцияда кыз-келиндердин укуктары, феминисттик көз-караштардан тышкары сексуалдык азчылыкты колдогон плакаттар да болгон.

Акцияга “Кыргыз чоролору” коомдук бирикмесинин мүчөлөрү да чыгып, активист аялдарга гүл беришкен.

www.