1,822 Бардыгы /

Белгилүү тажик оппозиционери, активист Шарофиддин Гадоев бийлик өкүлдөрү ага 2020-жылга белгиленген шайлоодо президент Эмомали Рахмондун уулун колдойсуң деген талап койгонун айтты.

“Группа 24″ оппозициялык уюмунун мүчөсү Шарофиддин Гадоев сонку күндөрү Душанбеде өткөргөн окуялары тууралуу Амстердамда “Азаттыктын” тажик кызматынын журналисти менен баарлашуу учурунда билдирди. Нидерланд бийлиги буга чейин Гадоевге качкын макамын берген.

Тажик оппозиционери 2-мартта Душанбеден Франкфурт шаарына учуп келген. Ал Тажикстандын коопсуздук күчтөрү Орусиядан уурдап, Тажикстанга алып барышканын, жолдо жана мекенине жеткенде кыйноого кабылганын айтты.

“Алардын планы боюнча “Группа-24” тобунун Тажикстанга кайтып келген 17 мурдагы мүчөсүнөн турган команданы жетектешим зарыл эле. Алар 2020-жылы Рустами Эмомали шайлоого катышарын, биз аны колдошубуз керектигин айтышты”, – деди Гадоев.

Активист көрсөтмө Тажикстан улуттук коопсуздук комитетинин төрагасы Саймумин Ятимов тарабынан берилгенин кошумчалады.

Эмомали Рахмон Тажикстанды 1992-жылдан бери башкарып келет. Көптөгөн талдоочулар анын мураскери катары 31-жаштагы уулу Рустами Эмомалини аташууда. Ал 29 жашында Душанбе шарынын мэри болгон.

www.