18 Бардыгы /

Манас шаарындагы жер астынан өтүүчү өтмөккө ден соолугунан мүмкүнчүлүгү чектелген жарандар жана балдар коляскасы менен жүргөн ата-энелер үчүн инклюзивдүү платформа лифти орнотулду.

Манас шаарынын мэриясынын маалымат борбору билдиргендей, бул демилге шаарда инклюзивдүү чөйрөнү калыптандыруу, калктын социалдык муктаждыктарына көңүл буруу жана жарандардын жашоо сапатын жакшыртуу максатында ишке ашырылды.

Тилекке каршы, аталган өтмөккө орнотулган бул жабдуунун ишине тоскоолдук жаратып, электр зымдарын жана башкаруу баскычтарын талкалап кеткен учурлар катталууда. Мындай көрүнүштөр жарандардын коопсуз жүрүүсүнө жана коом үчүн жасалган шарттардын натыйжалуу пайдаланылышына терс таасирин тийгизет.

Манас шаарынын мэриясы жарандарды кайдыгер болбоого, коомдук мүлккө этият мамиле жасап, мамлекет тарабынан жарандар үчүн түзүлүп жаткан шарттарды сактоого жана коргоого чакырат.