2,744 Бардыгы /

 Аксы районунун Үч-Коргон айыл аймагынын демилгеси менен «Ынтымак, биримдик болсо-өнүгүү» болот деген атайын форум өткөрдү.  

Форумда өкмөттү карап олтура бербей бир жеңден кол, бир жакадан баш чыгарып айылды өнүктүрүү маселесин талкуулашты. Форумда үч-Коргон айыл өкүмөтү төрт орчундуу демилгени элге сунуш кылып, алып чыкты. Үч-Коргон айыл аймагында жер иштеттүүнү жолго салуу максатында кооператив дерди уюштуруу, айылдын чыккан Социалисттик Эмгектин Баатырларынын айкелин коюу, Үч-Коргон айылын өнүктүрүү фондусун түзүү, ысырапкорчулукту токтотуу маселелерин элдин алдынан койду.

Форумга Жалал-Абад, Ош, Бишкек шаарларынан үч-Коргондук атуулдар келип катышып, мындай демилгени колдоого ала тургандыктарын билдиришти. Элибиз өсүп,жерибиз гүлдөсүн, биз колдон келген жардамды эч качан аябайбыз дешти алар.

Үч-Коргон айыл аймагына караштуу жерлер химикаттарга толуп, пленкалар басып бараткандыгын айтылып, жердин сапаты начарлап, түшүмдүүлүк төмөндөп бара жаткандыгы баса белгиленди. Айыдын тазалыгы, таза суусу, балдар бакчаларынын жетишпей жаткандыгы башкы көйгөй катары айтылды. Үч-Коргон айылынан форумга катышкандар көтөрүлгөн демилгенин эң тура экендигин белгилешип, бул демилгени айыл аймагындагы кыз келиндер да колдоого ала турганын билдиришти.

Айылда жылдан жылга ыксыз чыгымга жол берген каада салттар көбөйүп бара жаткандыгы, айылда тазалыктын жоктугуна токтолуп бул иштерди колго ала тургандыктарын билдиришти.

Айыл аймагынын эли менен өткөн бул форумда ынтымакка,биримдикке элди чакыруу менен бирге эле, учурда кетирилип жаткан кемчиликтер да ачык айкын айтылды. Аны четтетүүнүн жолдору талкууланды.

Президентибиз тарабынан аймактарды өнүктүрүү жана санариптештирүү жылына айыл эли чон салым кошуп, президенттин демилгелерин колдоого ала тургандыктарын билдиришти.

Абдымомун Калбаев, Аксы району