1,829 Бардыгы /

13-мартта Сузак райондук өзгөчө кырдаалдар бөлүмүнүн өрт өчүрүү жана алдын алуу бөлүмчөсүнүн кызматкерлери тарабынан Көк-Жаңгак шаардык №4 Ю. А. Гагарин жана №6 М.В. Ломоносов атындагы орто мектептеринде мугалимдерине жана окуучуларына күнүмдүк турмушта «өзгөчө кырдаалдар жана өрт кырсыктары болгондо көрүлүүчү чаралар жана иш-аракеттер» деген темада лекция жана инструктаж өткөрүлдү.

Окутуунун жүрүшүндө өзгөчө кырдаалдар учурунда жана өрт кырсыктары болгон учурда баштапкы аракеттери жана өрт өчүрүүчү шаймандарды колдонуу тартиби жөнүндө иш-аракеттерди мугалимдерге жана окуучуларга практикалык түрдө көрсөтүү жана жеткирүү максатында түшүндүрлдү. Сузак райондук ӨКБнүн ӨӨжАА бөлүмү төмөндөгүлөрдү билдирет.

Урматтуу Сузак районунун жана Көк-Жаңгак шаарынын тургундары, райондук өзгөчө кырдаалдар бөлүмү сиздерге өртүү болтурбоонун, алдын алуунун төмөндөгү эрежелерин эскертет.

– Үйдөн жумушка чыккан убакта үйүңүздөгү баардык электр жылыткычтарды, газ приборлорду толук өчүрүүнү унутпаңыз.

– Үйүңүздө жаш балдарды кароосуз калтырбаңыз.

– Өрт менен ойноо чоң кырсыка алып келерин жаш балдарга эскертип туруңуздар.

– Электр зымдарын жана приборлорду дайыма оң абалда кармоо зарыл жана аны атайын адистерге текшертип туруңуздар.

– Электр эсептегичине жасалма электр (предохранитель) колдонуу кооптуу.

– Өрт кырсыгы чыкканда 101 же 112 телефонуна кабар берүү менен өрт чыккан даректи анык айтышыңыздар керек.

– Өрттү өчүрүүдөн анын алдын алуу оңой эмес экени дайыма көңүлүңүздөрдө болсун.

Сузак райондук ӨКБнүн ӨӨжААБнүн башчысы майор А. Осмонов