1,608 Бардыгы /

К.Ш. Токтомаматов атындагы Эл аралык университеттин (ЭАУ) студенттери Кыргыз Республикасынын Өкмөтүнүн 2019-ж. 1.03. №37-б буйругуна, Кыргыз Республикасынын Билим берүү жана илим министрлигинин 2019-ж. 12.03. №266/1 буйругуна, о.э. Жалал-Абад шаарынын мэриясынын 2019-ж. 28.02. №53-б “Шаар аймагында айлана- чөйрөнү архитектуралык талаптарга ылайык көрктөндүрүү, жашылдандыруу жана санитардык абалын жакшыртуу жөнүндө” буйругуна ылайык жазгы ишембиликтерге чыгышты. Бул тууралуу ЭАУнун Кесиптик багыт берүү жана коомчулук менен байланыштар кызматы билдирди.

Тактап айтканда, 12-14-март күндөрү окуу жайга жанаша Тарсус көчөсүн тазалоо үчүн ишембиликтерге чыгышты. Ишембилик алкаганда Тарсус көчөсү, жол боюндагы тротуарлар шыпырылып, арыктар таштандылардан тазаланып, жол ортосундагы жашыл тилкелер тазаланып, жээк таштардын түбүнө чогулуп калган кум менен топурактар алынды. Окуу жайдын чарба бөлүмү ишембиликтин катышуучуларын бардык тийиштүү шаймандар менен жетиштүү камсыз кылган. Ишембиликтердин бул этабы жаздын жылуу жана жаркын деми менен ынтымакта, шаңдуу өтүп, Жалал-Абад шаарынын дагы бир аймагы тазалыкка бөлөндү. 18-22-мартта жазгы ишембиликтердин экинчи этабы өткөрүлүп, окуу жайдын ички аймагы иретке келтирилет. Ишембиликтерди өткөрүүдө ЭАУнун Жаштар иштери боюнча комитети чоң күч жана дем берүүдө.

“Аймак”