2,048 Бардыгы /

         ХУДЖАНД. Спорттун Ушу Саньда түрү боюнча Тажикстандын Худжанд шаарында өткөн Борбордук Азия биринчилигинде Кыргызстандан барган өспүрүмдөр командасы биринчиликти колдон чыгарышкан жок.

         Тактап айтканда, 8 алтын, 8 күмүш, 5 коло медаль менен кайтышты. Мелдешке Кыргызстан, Тажикстан, Өзбекстандын өспүрүм спортчулары катышкан эле. Кыргызстандан барган команданын курамында өлкөнүн бардык облустарынан спортчулар бар болчу. Жаш спортчуларды Кыргыз Өкмөтүнүн Баткен облусундагы ыйгарым укуктуу өкүлчүлүгүнүн Аймактарды өнүктүрүү бөлүмүнүн башчысы Салижан Хамрабаев баштаган жетекчилер тосуп алып куттукташып, эки элдин жаштарынын достугун чыңдоого салым кошкон жаштарга белек-бечкектерди тапшырышты.

         Бул мелдеш үч өлкөнүн жаштарынын достугун, ынтымагын бекемдөөгө жана аларды сергек жашоого үндөөгө гана багытталган.

Алишер ТОКСОНБАЕВ, өз кабарчы