1,606 Бардыгы /

БАТКЕН. Кыргызстанга караштуу «Дача» тилкесиндеги эки мамлекеттин Өкмөт башчыларынын орун басарларынын расмий жолугушуусунан кийин Кыргыз-Тажик чекарасындагы кырдаал жөнгө салынып, өткөрмө бекеттери мурункудай эле тартипте иштеп жатышат.

Анткени, аталган жолугушуунун жана сүйлөшүүнүн жүрүшү эки мамлекеттин делегациясынын тең максаты бир экендигин бышыктады. Алар көйгөйдү тирешүү жолу менен эмес, өз ара тил табышуу менен жайгаруу зарылдыгына дагы бир ирет ынанышты. Ошондой эле көйгөйлүү тилкелерди аныктоону мындан ары ырааттуу түрдө улантууну убада кылып тарашты.

Ушул тапта Тажикстандын Исфара-Ворух жана Кыргызстандын Баткен-Лейлек автоунаа каттамдары кайрадан баштагыдай эле тартипте иштей башташты. Кыргыз-Тажик мамлекеттик чекарасындагы кырдаал дээрлик туруктуу.

Алишер ТОКСОНБАЕВ, өз кабарчы