2,671 Бардыгы /

Ош шаарында “Нооруз-2019” элдик майрамды өткөрүү боюнча борбордук аянтта кызуу даярдык жүрүүдө. Бул тууралуу Ош шаардык мэриясынан билдиришти.

20-март күнү шаардагы бардык муниципалдык аймактык башкармалыктарда сүмөлөк кайнатылып, “Кадыр түн” каадасы уюштурулат. 21-март күнү саат 10.00дө шаардын борбордук аянтында «Нарктуу, даңктуу, касиеттүү Ош шаарым, сени менен сыймыктанам ар дайым!» аттуу « Нооруз-2019» элдик майрамына арналган театралдашкан концерттик программа өтөт.

Андан соң Айыл чарба техникумунун аянтынан баштап, №2-балдар музыкалык мектебине чейин кол өнөрчүлөрдүн, улуттук тамак-аштардын жана “Көктөм” (гүл жана жаңы көчөттөрдүн) көргөзмө-жарманкеси, улуттук спорттун түрлөрү боюнча мелештер уюштурулат.

Мындан сырткары, «Алымбек Датка» этнографиялык комплексинде Ош шаарынын мэриясынын “Сулайман-Тоо” №1 муниципалдык аймактык башкармалыгы жана Ош мамлекеттик университети тарабынан элдик каада-салтка ылайык уюштурулган майрамдык иш-чара болот.

“Аймак”