Аймак

ОРУСИЯДА КЫРГЫЗСТАНДЫК МИГРАНТТАРГА МУНАПЫС ЖАРЫЯЛАНДЫ

ОРУСИЯДА КЫРГЫЗСТАНДЫК МИГРАНТТАРГА МУНАПЫС ЖАРЫЯЛАНДЫ

 1,595 Бардыгы /

Орусияда миграциялык эрежелерди сактабай жүргөн кыргызстандыктарга 22-апрелге чейин Орусиянын чек арасынан чыгып, миграциялык картасын жаңыртууга мүмкүнчүлүк берилди. Бул тууралуу Москвадагы кыргыз элчилиги кабарлады.

Мындай жеңилдик Орусиянын президенти Владимир Путиндин Кыргызстанда боло турган мамлекеттик сапарынын алдында берилген.

Элчиликтин маалыматы боюнча, Орусиянын аймагында мыйзамсыз жүргөн Кыргызстандын жарандарына 22-апрелге чейин эч кандай тоскоолдуксуз чыгууга жана кайра каалаган учурда кирүүгө укук берилет.

Бул маалыматты Орусиянын Ички иштер министрлигинин Миграция маселеси боюнча башкармалыгынын башчысы Валентина Казакова да тастыктаган.

Былтыр 16-октябрдан 10-декабрга чейинки миграциялык мунапыстын алкагында «кара тизмеден» Орусияга кирүүгө тыюу салынган 5 миң 488 жаран чыгарылган. Мындан тышкары Орусияда учурда миграциялык эрежелерди сактабай жүргөн 100 миңге чукул кыргызстандык чек арадан чыгып, миграциялык картасын жаңыртууга жетишкен.

www.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17