2,216 Бардыгы /

Бүгүн, 27-март Жалал-Абад шаарындагы Барпы кыргыз драма театрында Жаныш Кулманбетовдун “Кыял” драмалуу фантазиялык спектаклинин бет ачары болду.

Спектакл өзгөчө таасир калтырганын жана жаштарга тарбиялык мааниси бар экендигин ЖАМУнун окутуучусу Саипжамал Сакиева айта кетти.

“ Бул чыгарманын мааниси ушунчалык зор, жаштарды ушундай чыгармалар менен тарбиялаш керек. Көптөгөн студенттер келишти, аларга да таасир этти. Жаштарга ушундай чыгармалар жетишпейт, ошондуктан жаштарды да театрга тартуу керек. Театр жамаатына дагы ыраазычылыгымды билдирип кетем ”- дейт

Ага улай Эл аралык театр күнү белгиленип, театр кызматкерлери жылдагыдай сүмөлөк кайнатып жатышат.

“Бүгүн 27-мартта Эл аралык театр күнү менен кесиптештеримди куттуктайм. Бизге кош майрам болууда себеби биз Жаныш Кулманбетовдун “Кыял” деген спектаклинин бет ачарын кылдык. Аны менен кошо эле жылда адатка айлантып алгандай сүмөлөк кайнатып, концерт уюштуруп жатабыз”-Гулифар Гаипова, театрдын актрисасы

Акылай КАРАБАЕВА, “Аймак”