1,600 Бардыгы /

Орусиянын Коргоо министрлиги Сирияда үч аскер кызматкери өлгөнү тууралуу маалыматты тастыктады. Алардын бири Тажикстанда туулган 35 жаштагы майор Сухроб Каримов. Маркумдардын сөөгү күн мурун Москвага жеткирилди.

Майор Сухроб Каримов мурда Тажикстандагы 201-орусиялык аскер базасында кызмат өтөгөн. Аны Сирияга араб тилин жакшы билгени үчүн жөнөтүшкөнү айтылууда.

Каримов буктурмага кабылып, Сирияга экинчи жолу баргандан кийин дайынсыз жоголгон. Офицердин жакындарынын билдиришинче, анын алгачкы иш сапары 8-9 айга созулган. Би-Би-Синин орус кызматынын маалыматы боюнча 25-мартта майордун ата-энесинен ДНК анализин алуу үчүн аларды Бурденко атындагы аскердик госпиталга чакырышкан.

Майор Сухроб Каримов акыркы жолу ата-энеси менен 22-февралда телефон аркылуу сүйлөшкөн.

Сухроб Каримов Орусия Коргоо министрлигинин Аскердик университетинин бүтүрүүчүсү, 2010-жылы Душанбеде кызмат өтөп баштаган. Ошол эле жылы ал эр жүрөктүүлүгүн көрсөтүп, күйүп жаткан үйдүн ичинен сегиз жаштагы баланы алып чыккан.

Орусиянын Коргоо министрлигинин расмий маалыматтары боюнча Сириядагы аскердик операциялар учурунда 40тан ашуун аскер кызматкери мерт болгон. Дагы 50дөй жоокер жана офицер учак жана тик учактар кыйраган учурда көз жумган.

www.