1,993 Бардыгы /

Былтыркы жылы Жалал-Абад областы боюнча жалпысынан 30 километрге асфальт төшөлгөн болчу, быйыл 16 километр 700 метрге гана пландалган.

“Быйылкы жылы Жалал-Абад областында жалпысынан 16 км 700м жолго асфальт төшөлөт. Ишкананын ушул жылга бюджети болсо 219 миллион 185 миң сом каражатты түзөт” – деп билдирди жол чарба департаментине караштуу, Жалал-Абад-Балыкчы автомобиль жол башкармалыгынын башчысы Камалбек Исманов. Аталган суммага асфальттоо иштеринен сырткары жол белгилер жана бариерлер коюлат. Мындан сырткары былтыркы жылы жолдордогу 24 кооптуу аймактарды жоюлган болсо, быйыл 32 аймакта иш алып баруу пландалган.

Эске салсак, аталган башкармалыктын карамагында 7 жол тейлөө ишканасы бар. Жалпы жонунан 1 943 чакырым авто жолду тейлесе, анын ичинен 98 чакырымы Эл аралык маанидеги, 622,7 чакырымы мамлекеттик маанидеги калгандары жергиликтүү авто жолдор болуп эсептелет.

Роза АКМАТЖАН кызы, “Аймак”