1,584 Бардыгы /

БАТКЕН. Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаров алгачкы аппараттык кеңешмесин өткөрдү. Анын жүрүшүндө аппараттын бөлүм башчыларыменен алдыда аткарылуучу иш-чараларды кең-кесири талкууланды.

Адегенде эле Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаров Өкүлчүлүктүн аппаратын биринчи кезекте ички тартипти, мамлекеттик кызматтын этикасын бекем сактоого, Өкүлчүлүк тарабынан ишке ашырылуучу ар бир маселеге жоопкерчилик менен мамиле жасоого чакырды. Ошондой эле шарты катаал, чек арада жайгашкан,стратегиялык аймак катары саналган Баткен облусунун  калкынын  жашоо-шарты өлкөбүздүн башка аймактарына салыштырмалуу оорураак экендигин баса белгилеп, аймактын социалдык-экономикалык абалын мындан ары жакшыртууга болгон күч-аракетти жумшоо зарылдыгын дагы катуу эскертти.

Соңунда Кыргыз Өкмөтүнүн Баткен облусундагы ыйгарым укуктуу өкүлү облустун күч түзүмдөрүнүн жетекчилери менен дагы жолугушуп, аймактын коомдук-саясий абалы жөнүндө катуу сүйлөшүп,  биринчи кезекте аймактагы элдин коопсуздугун туруктуу камсыздоого өзгөчө басым жасоону тапшырды.

Алишер ТОКСОНБАЕВ, өз кабарчы