1,791 Бардыгы /

 АЛМАТЫ. Кыргызстандын Казакстандагы Элчиси Ж. Кулубаев  Казакстандын Айыл чарба министри С.Омаров менен жолугушту.

Жолугушуу маалында Казакстандын Айыл чарба министри С.Омаров менен Элчи Ж.Кулубаев эки өлкөнүн айыл чарба жаатындагы кызматташтыгынын азыркы абалы жана болочогу, ошондой эле ЕАЭБтин алкагында өз ара аракеттенүүнүн көйгөйлөрүн кең-кесири талкуулашты. Ошондой эле тараптар ушул жылдын 28-февралында Астана шаарында кол коюлган карантиндик  фитосанитардык контролдоо маселелери боюнча Жол картасын аткаруу боюнча дагы ой-пикир алмашышты.

Соңунда жолугушуунун жыйынтыктары боюнча тараптар маселелерди ыкчам чечүү үчүн такай байланышта болууну дагы макулдашышты.

Алишер ТОКСОНБАЕВ, өз кабарчы