1,200 Бардыгы /

НЬЮ-ЙОРК. Бириккен Улуттар Уюмунда 2030-жылга чейин туруктуу өнүктүрүү жаатындагы күн тартибинин экономикалык, социалдык жана экологиялык өлчөмдөр контекстиндеги Адамзаттын учурдагы жана келечектеги муундары үчүн климатты коргоо маселелери боюнча жогорку даражадагы жолугушуусу өз ишин аяктады.

Аталган иш-чаранын алкагында суу менен климат маселелери боюнча иш-аракеттердин ортосундагы өз ара байланыш, мунун ичинде 2030-жылга чейин туруктуу өнүктрүүү күн Тартибинин жана Париж макулдашуусунун климат боюнча беренелеринин жүзөгө ашырылуусун кошкондо өз ара кызматташуулар, ошондой эле мындай документтерди ишке ашырууда БУУга мүчө-мамлекеттердин оң тажрыйбасы дагы катуу талкууланды.

БУУнун башкы катчысы Антонио Гуттериш бул иш-чараны ачып жатып, климаттын ыкчам өзгөрүүсү менен жакырчылыктын улам өсүшүнүн жана азык-түлүк менен тыгыз байланышкан көйгөйлөрдүн ортосундагы өз ара байланышты дагы баса белгиледи. Ушуга улай 2018-жылдын декабрында климат маселелери боюнча Катовица шаарында өткөн Саммиттин оң жыйынтыктарын дагы санактады.
Кыргыз Республикасынын Нью-Йорк шаарындагы БУУнун алдындагы Туруктуу Өкүлү Миргүл Молдоисаева аталган жолугушууда чыгып сүйлөп, Кыргызстанда туруктуу өнүктүрүүүнү камсыздоодо климатты коргоо жаатындагы олуттуу шарттардын бири сыңары Эл аралык кызматташуунун абдан маанилүү экендигин баса белгиледи. Буга улай ал Борбор Азияда жана дүйнөнүн башка аймактарында мөңгүлөрдүн тынымсыз эрип жаткандыгына кеңири токтолуп, катышуучулардан бул маселеге олуттуу кароо керектигин дагы суранды.
Жолугушуу соңунда Кыргыз Республикасынын Нью-Йорк шаарында жайланышкан БУУнун алдындагы Туруктуу Өкүлү Миргүл Молдоисаева Борбор Азияда суу ресурстарын сарамжалдуу жана теңата колдонуу климаттын ыкчам өзгөрүүсүнө карата күрөшүүнүн орчундуу фактору болуп саналаарын дагы ачык кыйытты.

Алишер ТОКСОНБАЕВ, өз кабарчы