1,268 Бардыгы /

МОСКВА. Москва шаарындагы Кыргыз Элчилигинде аталган калаада эмгектенип жүрүшкөн Кыргыз диаспораларынын башчылары жана өкүлдөрү жолугушту. Анда Кыргыз жарандарына карата «Миграциялык амнистия» маселеси кең-кесири талкууланды.

Жолугушуу маалында Кыргызстандын Орусиядагы Элчилигинин өкүлү Б. Мукашев жаңы эреже жөнүндө баяндама жасады. Ошондой эле Кыргыз жарандары 22-апрелге дейре Орусиядан чыкпай эле туруп өздөрүнүн сапарын мыйзамдаштырып алганга мүмкүнчүлүгү бардыгын дагы катуу эскертти. Мунун үчүн алар Орусиянын бардык аймактарындагы Миграция кызматына паспорту менен гана кайрылып, аерден жаңы заманбап миргация карта алууга милдеттүү! Аны тиешелүү органдар үч айга миргациялык каттоого бекер эле коюшат.

Орусиядагы Кыргыз Элчилигинин өкүлдөрү аталган жеңилдиктер туурасында Веб-портал аркылуу дагы түшүндүрүү жараянын ого бетер күчөттү. Демек, мындан ары Кыргыз диаспораларынын башчылары жана өкүлдөрү дагы Кыргыз жарандарынын арасында «Миграциялык амнистия» жөнүндө түшүндүрүү жараянын активдештирүүгө милдеттендирилди.

                   Алишер ТОКСОНБАЕВ, өз кабарчы