1,185 Бардыгы /

  БИШКЕК. Кыргыз Республикасынын Президенти Сооронбай Жээнбеков 7-апрелде 2010-жылы Апрель Элдик ыңкылабында курман болгондорду эскерди.

Мамлекет башчысы «Ата-Бейит» мемориалдык комплексинде 2010-жылы Апрель окуяларында курман болгондорду эскерүү монументине гүлчамбар койду. Чогулгандар бир мүнөт үн  катпай турушуп, курман болгондордун элесине арналып куран дагы окулду. Бул иш-чарага Жогорку Кеңеш төрагасы Дастанбек Джумабеков, Премьер-министр Мухаммедкалый Абылгазиев, Жогорку Соттун търайымы Гүлбара Калиева, Кыргызстандын экс-президенти Роза Отунбаева, 2010-жылы 7-апрелде курман болгондордун жана жапа чекендердин туугандары, Апрель Элдик окуяларынын катышуучулары, Жогорку Кеңештин депутаттары, өкмөт мүчөлөрү, мамлекеттик органдардын жетекчилери жана коомчулук өкүлдөрү катышты.

«Ата-Бейит» мемориалдык комплексинен кийин Президент Сооронбай Жээнбеков Бишкек шаарынын «Ала-Тоо» аянтындагы 2002-жылы Аксы окуяларында жана 2010-жылы Апрель окуяларында эл эркиндиги үчүн курман болгондорду эскерүү Монументине дагы гүлчамбар койду.

Алишер Токсонбаев, өз кабарчы