1,082 Бардыгы /

Казакстандын 11 аймагында бейтаптар 4,3 миллиард теңгеге жазылган дары-дармектерди алышкан эмес. Бул тууралуу 8-апрелде Казакстандын Ден соолукту сактоо министрлигинин фармация комитетинин төрайымы Людмила Бүрабекова билдирди.

Бүрабекованын айтымында, бекер дары-дармектерди жеткирүү үзгүлтүккө учурап жатканы тууралуу көптөгөн арыз түшкөндөн кийин министрлик аймактарда текшерүү жүргүзгөн.

Натыйжада бейтаптар өздөрүнө тиешелүү препараттарды албаганы, ошол эле маалда “Дары менен камсыздоо маалымат системасында” дарылар берилди деген белги коюлганы аныкталды.

Комитет жетекчиси маалымдагандай, 2016-2017-жылдары Казакстандын 11 аймагында 4,3 миллиард теңгеге (11 млн доллар) тете дары-дармек пайдаланылбай калган. Текшерүүлөрдүн жыйынтыгы менен Башкы прокуратура 20дан ашык кылмыш ишин козгоду.

Күн мурун Казакстан президенти Касым-Жомарт Токаев Твиттердеги баракчасына саламаттык сактоо системасына бир триллион теңгеден ашык каражат бөлүнгөнүн жазган.

www.