1,312 Бардыгы /

ХАБАРОВСК. «Экватор» мейманканасында Харабовск крайында эмгектенишкен мекендештерибиз Кыргызстандын Хабаровск шаарындагы Ардактуу консулу К.Мырзабаев, Кыргыз диаспораларынын жетекчиси А.Мырзабаев, Уссурийск шаарындагы Кыргыз диаспорасынын төрагасы Б. Садиров, ошондой эле Владивосток крайындагы активисттер А. Нооман уулу, М. Рысалиев менен жолугушту.

Кездешүү маалында мигранттарды легалдаштыруу, жаңы миграциялык карталарды токтоосуз түрдө алуу, эгерде суроо туулса такай иштеген «Ысык линияга» чалуу өңдөнгөн бир катар олуттуу маселелер  оң жагына чечилди.

Сахалинск облусунун Түштүк-Сахалинск шаарында 10,5 миң кыргызстандык эмгектенет. Ошондуктан булардын өкүлдөрү менен Кыргызстандын Орусиядагы Элчилигинин Ардактуу консулу  В.Трофимов жолугушуп, баарынын тең муң-зарын тыңдады. Бул арада аталган Консул менен Орусиянын Миграция кызматынын Түштүк-Сахалинск боюнча өкүлчүлүгү менен миграция картасын берүнү эртелетүү жана Кыргыз жарандарын каттоого коюуну туруктуу жолго коюу жагы сүйлөшүлдү.

Ошентип, Кыргызстандын Орусиядагы Элчилигинин кызматкерлери жана Кыргыз Миграция кызматынын Орусиядагы өкүлчүлүгү кыргызстандыктардын «Кызыл Кыя», «Өзгөн», «Сүлүктү»,  «Баткен-Өрүкзар» бейөкмөт уюмдары менен чогуу-чараан мекендештери арасында түшүндүрүү жараянын абдан күчөтүштү.

                   Алишер ТОКСОНБАЕВ, өз кабарчы