2,161 Бардыгы /

БАТКЕН. Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаров Баткен районунун чек ара аймактарындагы акыбал менен жеринде таанышты.

Адегенде Ак-Сай айыл өкмөтүндөгү калктын социалдык маселелерин көрүп чыгып,айрым маселелердижеринде эле шыр чечти. Анан айылдын сугат суу, таза суу, электр энергиясы, жерлерди трансформациялоо  маселелерин чечүү боюнча тийиштүү жетекчилерге кечиктирбей чеччү тапшырмаларды берди. Ак-Сай айылында социалдык көйгөйлүү маселелердин бири –балдар бакчасынын жетишсиздиги. Бул боюнча жергиликтүү айыл тургуну өзүнө тиешелүү 22 сотых менчик жерин багы менен кошо балдар бакчасынын курулушуна өз ыктыяры менен бергендиги айтылып, ыйгарым укуктуу өкүл аталган балдар бакчасын курулушунун долбоорун түзүү,  тиешелүү  документтерин ыкча бүтүрүүнү капиталдык курулуш башкармалыгынын жетекчилигине тапшырды. Ошондой эле Баткен чек ара отрядына караштуу Ак-Сай чек ара заставасына дагы баш багып, мындагы жоокерлердин жашоо-шарты менен жеринде таанышты.

Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаровдун андан аркы иш сапары райондун Самаркандек жана Ак-Татыр айыл өкмөттөрүндө улантылды. Аталган айыл өкмөттөрүндө жаздын келүүсү менен жаан чачындан кийин эле сел жүрүү коркунучу бар. Ошондуктан, аталган айыл өкмөттөрүндө сел коркунучу бар жерлерде элдердин коопсуздугун камсыз кылуу максатында Өзгөчө кырдаалдар министрлигинин облустук башкармалыгы, райондук бөлүмү менен биргеликте иш алып баруусу боюнча тапшырмалар дагы берилди.

Алишер ТОКСОНБАЕВ, өз кабарчы