1,794 Бардыгы /

БИШКЕК. Президент Сооронбай Жээнбеков UFC версиясынын аралаш күрөшүү боюнча  Дүйнө чемпиону Валентина Шевченко менен жолугушту. Були иш-чарага ошондой эле анын машыктыруучусу Павел Федотов, «Кулатуу Эртаймаш ММА» Дүйнөлүк Федерациясынын президенти Руслан Кыдырмышев жана Валентина Шевченконун апасы —Елена Шевченко катышышты.

Мамлекет башчысы адегенде конокторду абдан жылуу кабыл алып, Валентинаны жеңиши менен жана аялдардын эңүү жеңил салмагында чемпиондук курду тагынышы менен дагы чын жүрөктөн куттуктады. Президент Сооронбай Жээнбеков машыктыруучу Павел Федотовго спортчуларды даярдоо чеберчилигинин эң жогорку деңгээли, туруктуулугу,машыктыруучулу таланты жана өз тарбиялануучуларына терең ишенгендиги үчүн чоң ыраазычылыгын билдирди. Буга улай өзгөчө алкышын Кыргызстанга  Дүйнөнүн көп жолку чемпионкасын тартуулап, өз колдоосу жана ишеними менен спорт дүйнөсүндөгү жеңиштердин туу чокусуна жеткирген апасы Елена Шевченкого дагы ыроолоду.

-Бүт өлкө, биздин жүз миңдеген жарандарыбыз сиздин спорттук ийгиликтериңерге тынымсыз байкоо салып, жалындуу күйөрман болушууда. Таза жана татаал күрөштө жеңген медалдарыңар биздин көп улуттуу өлкөбүз үчүн өзгөчө баалуу! Мунун артында талыкпаган эмгек гана турат. Алдыга коюлган милдетти так аткардыңар. Кыргызстаныбыздын намысын татыктуу коргодуңар! Келечекте мындандагы чоң ийгиликтерди багындырып, бүт дүйнөгө спорттогу эң мыкты жетишкендиктерди дагы көрсөтөсүздеген терең ишеничтебиз! — деп баса белгиледи Сооронбай Жээнбеков.

Ал эми Валентина Шевченко Президент Сооронбай Жээнбековго жана бардык кыргызстандыктарга туруктуу колдоосу жана жылуу тосуп алуусу үчүн терең ыраазычылыгын билдирип, кайда гана болбосунар дайым күч-кубат жана жеңишке шыктандырган мекендештеринин жалындуу колдоосун сезип тургандыгын жашырган жок. Ата Мекенге, өзгөчө Кыргыз бермети Ысык-Көлгө сүйүүсү дайыма анын жүрөгүндө бекем оруналгандыгын дагы жар салды.

Президент Сооронбай Жээнбеков Валентина Шевченкону жыл сайын Ысык-Көлкө машыгуу үчүн келүүгө чакырды жана спорттук ишмердигинде мындан аркы ийгиликтерди,бекем ден соолук, бакубаттык гана тиледи. Мамлекет башчысы Валентина Шевченкону «Даңк» ордени менен сыйлады, Павел Федотовго«Кыргыз Республикасынын дене тарбиясына жана спортуна эмгек сиңирген кызматкер»ардактуу наамын ыйгарды.Руслан Кыдырмышев жана Елена Шевченко Кыргыз Республикасынын энчилүү сааттары менен сыйланышты.

Коноктор Мамлекет башчысына символикалуу белектерди тапшырышты. Алардын бирине — кол капка Президент Сооронбай Жээнбеков өзүнүн атынан автограф калтырды.

                   Алишер ТОКСОНБАЕВ, өз кабарчыбыз