2,534 Бардыгы /

ОШ. Кыргыз Өкмөтүнүн төрагасынын орун басары Алтынай Өмүрбекова жетектеген жумушчу тобу Кыргызстандын түштүк башкалаасында Өкмөттүн көчмө межилисин өткөрүп, буга удаа «Ош – Түрк дүйнөсүнүн маданий борбору» иш-чарасына даярдыкты жеринде текшерди.

Кыргыз Өкмөтүнүн төрагасынын орун басары Алтынай Өмүрбекова, маданият, маалымат жана туризи министри, бир катар министрликтердин жана ведомстволордун өкүлдөрү, Ош шаарынын мэри Таалайбек Сарыбашов, Кыргыз Өкмөтүнүн Ош облусундагы ыйгарым укуктуу өкүлү Узарбек Жылкыбаев, мадания жана көркөм өнөр ишмерлери «Ош – Түрк дүйнөсүнүн маданий борбору» иш-чарасында көрсөтүлчү обьектилерди кыдырып көрүштү.Бир катар маселелерди жеринде эле талкуулашты.

Маселен, Акматбек Сүйүмбаев атындагы борбордук стадиондун, «Алымбек-Датка» этнографиялык комплексинин, «Жаштар»сейил багынын, «Ош Нуру» конок үйүнүн,жогорку окуу жайларынын, көп кабаттуу үйлөрдүн азыркы акыбалы катуу текшерилди. Түнү жарыктандырылган жайлар дагы көзөмөлдөн өткөрүлдү.

Ошентип, үстүбүздөгү жылдын 19-24-апрелинде Ош шаарында өткөрүлчү «Ош – Түрк дүйнөсүнүн маданий борбору» Форумунун алкагында Кыргызстандын Түштүк башкалаасында «Түрк тилдүү өлкөлөрдүн Этнофестивалы» дагы жарнамаланмакчы.

                   Алишер ТОКСОНБАЕВ, өз кабарчыбыз