1,678 Бардыгы /

Мектеп окуучуларынын 12-13-март күндөрү өткөн областтык олимпиадасынын жыйынтыгы чыкты. Анда 17окуучу 1- орунга, 17-окуучу 2- орунга,30 окуучу 3-орунга ээ болушкан. Бул тууралуу  Жалал-Абад билим берүү усулдук борборунун жетекчиси Акылбек Токтосунов билдирди.

Анын айтымында областтык олимпиадага райондук, шаардык этаптарда жеңүүчү болгон, рейтинг боюнча 1-2-орундарга жетишке 360 окуучу катышкан. Ал эми олимпиаданы уюштуруу жана өткөрүү боюнча 11 кишиден турган уюштуруу комитети түзүлгөн.

Областтык турдан өткөндөр 30-31- мартта болгон Республикалык олимпиадага катышкан. Жалал-Абад областынан 34 окуучу,10 предмет боюнча мелдешишкен. Областтан барган окуучулар 3 байгелүү орунга ээ болуп кайткан.

1-орунга ээ болгон окуучуга 1-даражадагы диплом жана ноутбук, 2- орунга 2- даражадагы диплом жана планшет, 3- орунга ардак грамота жана китептер менен сыйланган.

Акылай КАРАБАЕВА, “Аймак”