2,521 Бардыгы /

11-апрелде Чаткал районунун борбору Каныш-Кыя айылында  улуттук спорт оюндары боюнча иш чара болуп өттү. Анда эр оодарыш жана көк бөрү боюнча райондук мелдеш болду.

Иш чаранын максаты- чаткалдык спортчуларды республикалык улуттук оюндар боюнча мелдештерге даярдоо жана улуттук спорт оюндарынын стандарттык эрежелери аркылуу оюн көрсөтүүгө машыктыруу.

Иш чара Каныш-Кыя айыл өкмөтү тарабынан каржыланып өткөрүлдү.

Улуттук оюндар боюнча мелдеш аяктады. Жыйынтыгында, көк бөрү боюнча мелдеште 1-орунду Башкы-Терек командасы жеңип алып, 6500 сом акчалай байге алды. 2-орунду Каныш-Кыя-1 командасы ээлеп, 4500 сом акчалай байгеге ээ болду. 3-орун Каныш-Кыя-2 менен Айгыр-Жал командаларына ыйгарылып, эки командага тең 2500 сомдон акчалай байге берилди.
Эр оодарыш оюнунда уткан балбандар да атайын Грамоталар жана төш белгилер менен сыйланышты.

Мухамедали Эшназаров