1,996 Бардыгы /

Ала-Бука райондорунан Улуу Ата Мекендик согушка 3446 адам кетип андан 1116 гана кайтып келген. Учурда 2 гана ардагердин көзү тирүү калды. Булар дайыма элдин камкордугунда.

Кыргыз Республикасынын өкмөтүнүн областыбыздагы өкүлүнүн орун басары Ырысбек Ызабеков жакында Ала-Бука,Аксы райондорунда атайын иш сапары менен болуп Улуу Ата Мекендик согуштун ардагерлеринен кабар алып, аларга губернатордун атынан белектерди тапшырып, турмуш шарты менен таанышты. Балтагулов жана 1-Май айыл аймактарында болду. Улуу Ата Мекендик согуштун ардагери үчүн ок аралап, кан кечкен күндөрүн эстеш оор дейт ардагердин уулу. Ал эми Аксы районунан 3791 адам согушка кеткен болсо алардан 2101 адам аман кайтып жеңиш менен келген.

Учурда райондо 4 гана согуштун катышуучусу калды. Алардын да жашы 96-97 жаштарда. Жерге-Тал айыл аймагында Улуу Ата Мекендик согуштун 2 катышуучусу көзү тирүү турганы айыл элинин сыймыгы. Балтабай Базылбеков менен Исак Момункулов аталар согуштан кийин да эл үчүн эмгектенип, учурда ардактуу эс алууда. Айыл өкүмөт жыл сайын отун-көмүрүн камдап берип, ден соолугунан кабар алып турушат.

Бул ирет Ырысбек Изабеков өз белегин тапшырып, ардагерлердин ак батасын алып кайтты. Авлетим айыл аймагынын тургуну, Кыргыз республикасынын эмгек синирген артистти, төкмө акын Ысак Барпиевдин атасы согушка кетип кайтпай калган. Балалыгы согуштун апаат жылдарына туура келген акын, ал күндөрүн эскерип олтурду. Улуу Ата Мекендик согуш убагындагы ар бир адам биз үчүн ыйык, анктени дал ошол адамдардын күжүрмөн эмгеги менен аракетинин натйжасында биз ушул күндөргө жетип олтурабыз дейт мындагылар.

Абдымомун Калбаев,Аксы району.