1,354 Бардыгы /

БЕРЛИН. Кыргыз Республикасынын Президенти Сооронбай Жээнбеков эки күндүк расмий  сапар менен Германияда жүрөт.

Алгачкы күн экономикалык блокко арналды. Атап айтканда, Мамлекет башчысы Германиянын Мюнхен шаарындагы «Кыргызстан жана Бавария: инвестициялык мүмкүнчүлүктөр» Кыргыз-Герман бизнес-форумунда сөй сүйлөдү. Андан соң Кыргыз-Герман экономикалык форумуна катышып, Х.Зайдельатындагы Фонддо сөз дагы сүйлөдү. Андан соң Германиянын айыл чарба ишканаларын кыдырды.

Мюнхенде Сооронбай Жээнбеков Бавария мамлекеттик канцеляриясынын жетекчиси, Бавариянын федералдык жана европалык маселелер жана ЖМКлар маселелери боюнча Мамлекеттик министри Флориан Херманн, Бавария экономика, өнүктүрүү жана энергетика мамлекеттик министри, Премьер-министрдин орун басары Хуберт Айвангер менен жолукту. Буга улай Президент Сооронбай Жээнбеков Мюнхен шаарында Германияда окуп жана иштеп жүрүшкөн мекендештер менен жолугушту.

Сапарынын соңунда, 6-апрелде Кыргыз Мамлекетинин башчы Берлин шаарында ГФР федералдык президенти Франк-Вальтер Штайнмайе жана Германиянын федералдык канцлери Ангела Меркель менен, ошондой эле Бундестаг Президенти Вольфганг Шойбле менен жолугушат. Буга улай Сооронбай Жээнбеков менен Ангела Меркель жалпыга маалымат каражаттарына билдирүүжасашат.

         Алишер ТОКСОНБАЕВ, өз кабарчы