1,818 Бардыгы /

Бүгүн, 19-апрелде К.Ш.Токтомаматов атындагы Эл аралык университетте “Ачык эшиктер күнү” болуп өттү.

Иш-чарада талапкерлер, ата-энелери жана мектеп мугалимдери окуу жай менен кенен таанышуу мүмкүнчүлүгүнө ээ болушту.

Бул тууралуу окуу жайдын окуудан сырткары иштер, мамлекеттик тил жана коомчулук менен байланыштар боюнча проректору Анвар Жолдошбаев төмөнкүлөдү билдирди.

“Бүгүн 9-11-класстардын бүтүрүүчүлөрү окуу жайдын материалдык-техникалык базасы, окуу процесси, пррофессор-окутуучулар курамы, студенттер контингенти, коомдук, маданий-спорттук иш-аракеттери менен таанышышат. Алар үчүн бул максатта окуу жайдын кабыл алуу комиссиясы атайын көргөзмөлөрдү, экскурсияларды уюштурду”,-дейт  А. Жолдошбаев.

Ачык эшиктер күнүнө жалпы 2 миңден ашуун бүтүрүүчү катышты. Алар Жалал-Абад шаарындагы жана жакынкы райондордун мектептеринен келишкен.

Аталган иш-чара  жыл сайын мектеп бүтүрүүчүлөрүнө кесиптик багыт берүү иштеринин алкагында өткөрүлүп келет.

Ага улай эле, ЭАУда  9-11-класстардын арасында предметтик олимпиада өткөрүлдү. Олимпиаданын жеңүүчүлөрүнө окуу жайга, ага караштуу колледждерге кабыл алынууда, окуу акысынан бир катар жеңилдиктерге ээ болушат. Биринчи орунга окуу акысынан 100%, экинчи орунга 50%, үчүнчү орунга 25% жеңилдиктер каралган.

Предметтик олимпиадага орто мектептерден 120 бүтүрүүчү катышты.

Акылай КАРАБАЕВА, “Аймак”