1,370 Бардыгы /

БИШКЕК. Кыргызстан менен Индиянын ортосундагы Кыргыз-Индия ТИМдер аралык межилисинин алкагында Кыргызстандын Тышкы иштер министри Чыңгыз Айдарбеков Индиянын Тышкы иштер министринин орун басары Гитеш Шарма менен жолукту.

                   Тараптар саясий жана маданий-гуманитардык кызматташуунун жогорку деңгээлин, ошону менен бирге экономикалык өз ара аракеттенүүнү жандандыруу зарылчылыгын, биргелешкен ишканалар менен каржылык институт түзүүнүн жана башка экономикалык долбоорлорду илгерилетүүнүн максатка ылайыктуулугун баса белгилешти. Алдыдагы ШКУ Тышкы иштер министрлеринин Кеңешине жана Индиянын Премьер-министринин Кыргызстанга расмий иш-сапарына дагы бул сапар өзгөчө көңүл бурулду. 

                   ТИМдер аралык кеңешүүлөрдү байма-бай өткөрүүнүн маанилүүлүгү дагы баса белгиленди. Анткени, мындай масилеттешүүлөр алдыдагы иш-чараларды иштеп чыгууда негизги платформалардын бири болуп саналат жана кызматташуунун бардык тарабын конструктивдүү талкуулоого гана ыңгай жаратат.

                   Кыргызстан менен Индиянын ортосундагы достук жана өз ара кызматташтык мамилелери эки өлкөнүн бакубаттуулугу үчүн ырааттуу өнүгүп, дагы тереңдей берерине чоң ишеним артылды.

Алишер ТОКСОНБАЕВ, өз кабарчы