1,475 Бардыгы /

              БИШКЕК. “Бишкек өзүнүн «Жашыл шаар» деген аталышын кайрадан калыбына келтириши абзел! – деп баса белгиледи Кыргыз Республикасынын Президенти Сооронбай Жээнбеков Бишкек шаарынын түштүк тарабындагы жаңы сейил бак курула турган жерге капсула салып жатып. Мамлекет башчысы сөз арасында Бишкек ар дайым өзүнүн жашылбак-дарактары,кооз аллеялары жана тазалыгы менен даңкталып, «Жашыл шаар» деп аталып жүргөндүгүн дагы кайрадан эске салды.

– Биздин өлкөбүздүн борборунун эң башкы байлыгы таза аба жана жакшы экология болушу кажет! Жаңы сейил бактарды салуу, шаарды мындан дагы жашылдандыруу жана таза экология жарандардын жашоосу үчүн баарынан маанилүү! Сейил бакта заманбап инфратүзүм жана ар тараптуу, мунун ичинде активдүү дагыэсалуу үчүн өтө зарыл шарттар түзүлүшү абзел! – деди Президент СооронбайЖээнбеков.

Ал эми Бишкек шаарынын мэри Азиз Суракматов болочок сейил бактын курулушунун долбоору менен өлкө башчысын кең-кесири тааныштырды.

Айтмакчы, Чыңгыз Айтматов проспектиси менен Апсамат Масалиев-Токтоналиев көчөлөрүнүн кесилишинде жайгаша турган сейил бактын жалпы аянты он гектар. Долбоордожөө жүрүүчүлөр үчүн коммуникация, 17 миңден ашуун чарчы метр тротуарлар, жарыктандыруу, жашылдандыруу, балдар аянтчасы, спортаянтчасы, велосипед жолдору, 160 орундуу унаа токтотуучу жай жана башкалар дагы каралган. Ушул тапта тротуарларды, асфальт бетон жана таман таштарды орнотуу жумуштары байма-бай аткарылып жатат. Курулуш иштерин 2019-жылдын 31-августуна карата бүтүрүү болжолдонууда.

Алишер ТОКСОНБАЕВ, өз кабарчы