3 Бардыгы /

Манас шаарындагы мектептерде окуучулар арасындагы зордук-зомбулук, буллинг, кылмыштуулук, эрте никеге туруунун жана суициддин алдын алуу боюнча тиешелүү адистердин катышуусунда окуучулар менен жолугушуулар өткөрүлүп жатат.

Манас шаарынын мэриясынын маалымат борбору билдиргендей,  жолугушуулардын жүрүшүндө окуучуларга жеке коопсуздукту сактоо, укук бузуулардын алдын алуу, кыйын кырдаалдарда туура чечим кабыл алуу, өз укуктарын жана жоопкерчиликтерин билүү боюнча кеңири маалыматтар берилүүдө.

Иш-чарага Манас шаарынын мэринин орун басары Кубанычбек Шерматов, шаардык прокуратуранын, ички иштер бөлүмүнүн, шаардык билим берүү бөлүмүнүн, эмгек, социалдык камсыздоо жана миграция башкармалыгынын өкүлдөрү, ошондой эле шаардын имам-хатиби Мелисбек ажы Тургунбаев катышып, окуучуларга ар тараптуу түшүндүрүү иштери жүргүзүлдү.

Мындай профилактикалык иш-чаралар окуу жылынын жүрүшүндө Манас шаарындагы жалпы билим берүүчү мектептерде жана атайын орто билим берүүчү окуу жайларда улантылат.

Окуучулар менен мындай жолугушууларды өткөрүүдөн максат — жаштардын коопсуздугун камсыз кылуу, укук бузуулардын алдын алуу жана сергек, жоопкерчиликтүү коомду калыптандыруу болуп саналат.