1,565 Бардыгы /

1-май эмгекчилердин Эл аралык күнүн утурлай Ички иштер органдарында үзүрлүү эмгектенип, ардактуу эс алууга чыгышкан 4 ардагердин жубайы «Жена офицера – опора, надежда и вера» аттуу ИИМдин медалы менен сыйланышты.

Алар: – Токторбаева Кайры Тажибаевна, – Атабекова Арзыкан Сарбашевна, – Жолдошова Гүлбайра Исаковна, – Раимкулова Урият Азимкуловна.

Тѳш белгини Жалал-Абад ОИИБнин башчысы, милициянын полковниги Кылычбек Жолдошов ѳзү тапшырып, ИИОдо 30 жылдан ашуун эмгектенип, учурда ардактуу эс алууда жүргѳн офицердин жубайы болуу сыймык экенин белгиледи. ИИМде кѳп жылдар бою эмгектенүүдѳ анын артында үй-бүлѳнү бекемдеп, күн-түн дебей кылмыштуулук менен күрѳшүүдѳ бекем жѳлѳк болуп, мекен үчүн ак кызмат кылууда, коомдук коопсуздукту камсыздоодо зор салымы бар экендигин айтып, дѳѳлѳттүү эс алууну каалады.

Ал эми тѳш белгини тагынып, кубанычы койнуна батпай, толкуп ташып турган Арзыкан Атабекова ИИМдин, ОИИБнин жетекчилигине, ИИОнун ардагерлер кеңешине ыраазычылыгын билдирип ѳттү.

«Бул белек биз үчүн күтүлбѳгѳн сыйлык болду, 30 жылдан ашуун бирге турмуш куруп, ошончо мезгил милициянын жубайы болуп, ар кандай учурларда анын жанында жѳлѳк болуп болуп, дем берип келдик, эмгегибиз мээнетибиз бааланып, сыйланып жатканыбызга кубанычтабыз» – дейт.

Жалал-Абад ОИИБнин басма сѳз кызматы