1,262 Бардыгы /

БУДАПЕШТ. үстүбүздөгү жылдын 1-3-майында Венгриянын Тышкы иштер жана соода министри Петер Сийяртонун чакыруусуна ылайык Кыргызстандын Тышкы иштер министри ЧыңгызАйдарбеков Венгрияда расмий иш-сапары менен жүрдү.

Эки министрдин расмий сүйлөшүүлөрүнүн жүрүшүндө тараптар эки жактуу алаканын байкалып жаткан өнүгүүсүн жана буга Венгриянын Премьер–министри Виктор Орбандын 2018-жылы Кыргызстанга жасаган расмий иш-сапары чоң дем бергендигин зор канааттануу менен баса белгилешти.
Ошондой эле эки өлкөнүн лидерлеринин сүйлөшүүлөрүн жүзөгө ашыруунун жүрүшүн талкуулап,эки тараптуу кызматташтыктын бир катар багыттары боюнча жылыштар бар экендигин жана Бишкекте өтүүсү пландалып жаткан соода-экономикалык кызматташтык боюнча Өкмөттөр аралык эки тараптуу комиссиянынбиринчи жыйынын, эки өлкөнүн ортосундагы келишимдик–укуктук базанын кеңейүсүн дагы кең-кесири сүйлөшүштү.  

Кыргыз Республикасынын Президентин расмий иш-сапар менен Венгрияга келип кетүүгө чакыруусун Венгер тарабы тастыктады жана Бишкекте дипломатиялык өкүлчүлүгүн ачууга дагыдаярэкендигинбилдирди. 
Эки өлкөнүн соода–экономикалык кызматташтыгын мындан ары бекемдөө жана күчөтүү максатында тараптар биргелешкен түз инвестициялар фондун түзүүнүн болжолдуу механизмдерин дагы талкуулашты. Мындан тышкары Эл аралык күн тартибинин негизги маселелери боюнча позицияларынын окшоштугун көрсөтүшүп, БУУ, ЕККУ, ЕС,Түрк Кеңеши жана башка Эл аралык уюмдарда өз ара аракеттенүү боюнча дагы пикир алмашышты. 

Венгриянын Тышкы иштер жана соода министри Петер Сийярто өзүнө  каалаган ыңгайлуу маалда расмийиш–сапар менен Кыргызстанга келип кетүү тууралуу Чыңгыз Айдарбековдун чакыруусун кабыл алды. Жолугушуунун соңунда эки министр жергиликтуу жана чет өлкөлүк ЖКМлар үчүн биргелешкен басма сөз жыйынын курушту.

                        Алишер ТОКСОНБАЕВ, өз кабарчы