2,965 Бардыгы /

Жалал-Абад областында биринчи кварталда, өткөн жылга салыштырмалуу жумушсуздук деңгээли 41,4 пайызга өскөн.

Расмий жумушсуздардын саны 25 миң 827 адамды түзүп, өткөн жылдын ушул мезгилине салыштырмалуу 7 миң 568 адамга көп. Жумушсуздук деңгээлин райондорго бөлүштүрө келгенде Чаткал районунда 872, Базар-Коргондо 3 миң 393, Токтогулда 1 846, Таш-Кѳмүр шаарында 1 244 жумушсуз катталган.

Ушул эле 3 ай аралыгында област боюнча 846 жумушсуз жумушка жайгаштырылган. Убактылуу ишке орноштуруу максатында коомдук акы төлөнүүчү жумуштарга 242 адам жөнөтүлгөн.

2019-жылдын 1-апрелине карата эсепте турган жалпы жумушсуздар 32 миң 11 адамды түзөт.

Роза АКМАТЖАН кызы, “Аймак”