1,183 Бардыгы /

 БИШКЕК. Кыргыз Республикасынын Президенти Сооронбай Жээнбеков Кыргыз Республикасынын Жогорку Сотунун Конституциялык палатасынын судьялары менен жолугушту.

Мамлекет башчысы адегенде бардык кыргызстандыктарды жана  Конституциялык палатанын судьяларын 5-майда белгиленчү  Конституциякүнү менен чын ыкластан куттуктады. Президент мамлекетте туруктуулукту камсыз кылууда Конституциялык палата чоң роль ойной тургандыгындагы жашырган жок.

– Биздин максат — элдин мамлекеттик бийликке карата жок болуп кеткен жана эки жолку ыңкылапка алып келген ишенимин кайтаруу. Мындай окуялар кайталанбашы үчүн биз ачык бийлик системасын, адам укугу сакталган таза коом курушубуз керек! Президенттен баштап ар бирибиз өзүбүздүн ак ниет, тазаишибизменен үлгү көрсөтүшүбүз кажет! —деп баса белгиледи Сооронбай Жээнбеков.

Президент белгилегендей, мамлекеттин жашоосунда сот системасы өзгөчө орунгаээ жана өз ишмердүүлүгүн эч саясатташтырбастан туруктуулуктун,коомдун тазалыгынын кепилдиги катары гана таанылышы керек. Андан соң Конституциялык палатанын төрагасы Эркинбек Мамыров, судьялар Эмиль Өскөнбаева жана Курмантай Абдиев Мамлекет башчысына жакшы салтка айланып бараткан Конституция күнүнө каратажолугушуусуна терең ыраазычылыгын билдиришти. Алар Конституциялык палатанын ишмердүүлүгү, пландары жана милдеттери, кабыл алынган чечимдер туурасында дагы кенен айтып беришти.

– Конституциялык палата өзүнө жүктөлгөн милдеттерин так жана мыйзам алкагында укуктук талаадан чыкпай аткарууга аракет кылууда, —деди Конституциялык палатанын төрагасы Эркинбек Мамыров.

Жолугушуунун соңунда Президент Сооронбай Жээнбеков Конституциялык палатанын судьяларына Чыңгыз Айтматовдун чыгармалар жыйнагын белекке тартуулады.

Алишер ТОКСОНБАЕВ, өз кабарчыбыз