1,548 Бардыгы /

ОШ. Буга дейре Ош шаардык маданият башкармалыгын ийгиликтүү жетектеген Топчубай ДОСБАЕВ Маданият, маалымат жана туризм министрлигинин алдындагы Улуттук маданий борборго караштуу Руханий мурастарды жайылтуу секторунун башчылыгына дайындалды.

– Руханий көөнөрбөс дөөлөттөрүбүз толтура. Тилекке каршы, «Колдо бар алтындын баркы жок» дегендей, биз эмдигиче булардын кадырына дагыле жете элекпиз. Кыргыз Өкмөтү муну илгиртпестен түшүнүп, тармакты жандандырып, ого бетер өрчүтүүгө ыктагандыгы кубаттоого гана арзыйт, – деди Маданият, маалымат жана туризм министрлигинин алдындагы Улуттук маданий борборуна караштуу Руханий мурастарды жайылтуу секторунун башчысы Топчубай ДОСБАЕВ.

Биз билгенден Топчубай ДОСБАЕВ кандай гана кызматты аркалабасын, камчы салдырбастан, майын чыгарып иштечү эле. Бул сапар дагы ошол калыбынан жазбайт деп бекем ишенебиз.

Алишер ТОКСОНБАЕВ, өз кабарчыбыз