1,350 Бардыгы /

БИШКЕК. Кыргыз Республикасынын Президенти Сооронбай Жээнбеков Конституциялык палатанын судьяларын кабыл алып жатканда, жарандардын конституциялык укугун коргоо, мыйзамдардын кынтыксыз аткарылышы туурасында айтып, ушул тапта абдан кызуу талкууланып жаткан уран казуу маселеси боюнча дагы өз пикирин ачыктады.

– Биз кийинки муунга ынтымагы бекем коомду, укуктук мамлекетти калтыруубуз зарыл! Урпактарга ата-бабадан калган таза табиятты, жашыл жаратылышты жеткирүүгө дагы милдеткербиз. Мүмкүнчүлүктөн  пайдаланыпайтакетейин, Ысык-Көлдөгү Кызыл-Омполдо уран казуу маселеси коомдо кызуу талкууланып, элибиз абдан кабатыр болуп жатат.Так кесе айтам, Кыргызстанда уран казылбайт! —деп баса белгиледи Президент Сооронбай Жээнбеков.

Андан ары Сооронбай Жээнбеков Кыргыз Республикасынын Президенти кызматына киришкенден бери тоо-кен тармагына катуу талап коюлуп жаткандыгын айтып, тармактагы маселе Коопсуздук кеңешинде дагы катуу каралгандыгынэскесалды.

– Бул тармак, айрыкча лицензия-уруксат берүү системасы жемкорлуккабелчесиненбатып, абалдын жетээр жерине жетип калгандыгынан улам, тоо кен тармагындагы маселени быйылкы жылдын башында Коопсуздук Кеңешине дагы алып чыккам.Кен чыккан жерлерге уруксат берүүдө, көп учурда, мамлекеттин жана коомдун кызыкчылыктар таптакыр эске алынган эмес! Тескерисинче, тар чөйрөнүн, айрым таасирдүү топтордун кызыкчылыктары гана жогору турган. Лицензия берүү тармагында кадимки эле базардагыдай алып сатарлыкка жол берилип келген. Ошондуктан, 2018-жылы лицензия берүүнү кылдат анализдеп, инвентаризация кылууну сунуштагам. Жөнөкөй тил мен айтканда, жаңы лицензиялардыберүүгө мораторий жарыяланган, —дедиПрезидент.

Мамлекет башчысы Кызыл-Омполдогу абалды кен казууу тармагындагы баш аламандыктын, өзүм билемдик саясаттын жыйынтыгы катары гана сапаттады.Эгемендик жылдарында жалпысынан жерказынасын пайдаланууга 2, 5 миңден ашык лицензия берилген. Акыркы 8 жылдын ичинде тоо-кен тармагына тийиштүү жүзгө жакын кылмыш иши  козголгон. Бирок басымдуу көпчүлүгү аягына жеткен эмес. Бул өңүттө Коопсуздук Кеңешинин чечимине ылайык учурда жумушчу топ активдүү иштеп жатат.

– Дагы кайталайм, Кызыл-Омполдо уран казылбайт. Ачыгын айтканда, Кыргыз Өкмөтүнүн бул маселеге болгон кайдыгер мамилесинен улам коомчулук дүрбөлөңгө түштү. Баса белгилеп айтам, жөн жерден дүрбөлөңгө түштүк. Керемет Ысык-Көлүбүз кезектеги туристтик сезонго даярдык көрүп жаткан чакта мындай дүрбөлөң туризм тармагына балта чапкан кыянаттыкка барабар! Ошондуктан, мекендештериме,жарандык коом, жалпыга маалымадоо каражаттарына айтаарым, тынчсызданууга эч негиз жок!Активдүү позицияңарды көрсөтүп, Кыргызстан ачык жарандык коомдун өлкөсү экендигин дагы бир  ирет далилдедик! —деди Президент Сооронбай Жээнбеков. – Кечигип болсо дагы Өкмөт Кызыл-Омполдо уран казылбай тургандай чечим кабыл алды. Жогорку Кеңешдагы бул маселени талкуулап, өз позициясын ачык билдирди. Биздин кымбат, сүйүктүү Кыргызстаныбыз —таза экологиянын, таза суунун, таза абанын өлкөсү! Таза табиятты бузганга баарыбыз биригип жол бербейбиз! Көздүн карегиндей сактайбыз!

Алишер ТОКСОНБАЕВ, өз кабарчы