1,751 Бардыгы /

Эми келе жаткан окуу жылынан баштап Өзбекстан Республикасынан Жалал-Абад шаарына келип окуган студенттердин саны кыйла арбыйт. Бул тууралуу Жалал-Абад мамлекеттик университетинде (ЖАМУ) 52 адамдан турган өзбекстандык делегацияны тосуп алуу учурунда белгилүү болду.

Келген делегациянын курамында университеттердин ректорлору да бар. Үстүбүздөгу окуу жылынын башталышында ЖАМУ өзбекстандык 400гө чукул студентти медициналык факультетке кабыл алышкан болчу. Эми мындан ары бир гана медицина факультетине эмес, башка бардык адистиктер боюнча да кабыл алуу боюнча келишимдер түзүлдү. Өзбекстандан келген делегация курамы ЖАМУнун техникалык базасы менен кеңири таанышып чыгышып, билим сапатына жакшы баа беришти.

Эске сала кетсек, Жалал-Абад мамлекеттик университетинде жалпысынан 9 чет өлкөнүн өкүлдөрү билим алышат. Жалпы студенттердин саны 12 миңден ашуун.

Роза АКМАТЖАН кызы, “Аймак”