2,287 Бардыгы /

ЖАЛАЛ-АБАД. Бүгүн, май айындагы кош майрамдарды жана “Акыркы коӊгуроо” салтанаттарын ѳткѳрүү үчүн Жалал-Абад ШИИБнин жетекчилиги ѳздүк курамга чогулуш ѳткѳрдү. Анда ШИИБ тарабынан шаар ичинде жайгашкан мектептер, орто окуу жайлар көзөмөлгө алынаары айтылды.

Шаарыбыздын коопсуздугун кароодо жетекчилик тарабынан түзүлгѳн дислокациянын негизинде ѳздүк курамдарга маалымат жеткирилди. Жалал-Абад ШИИБнин кызматкерлери бѳлүнгѳн жерлерде кызматтык ишмердүүлүктү, коомдук коопсуздукту сактоону күчөтүү боюнча жаӊы талаптардын негизинде иш алып барышат.

Жалал-Абад ШИИБнин башчысы милициянын полковниги Э.Молдокеев май майрамдарына карата жоопкерчиликти күчөтүп, кылмыштуулуктун алдын алуу боюнча ИИМдин жана ОИИБнын буйруктарына ылайык атайын иш-чараларды өткөрүүгѳ тапшырма берди. Өзгөчө май айындагы кош майрамдар жана мектептердеги акыркы коӊгуроо салтанаттарын көзөмөлгө алууну күчөтүүнү, бүтүрүүчүлөрдүн катышуусу менен кандайдыр бир жол кырсыктарын, жагымсыз окуялардын алдын алууга аракеттерди баштоону, жергиликтүү билим берүү мекемелери менен биргеликте бул багытта профилактикалык иш-чараларды жүргүзүүнү тапшырды.

Жылдагыдай эле бул күндөрү кафе-ресторандар, шаардын жана шаар четиндеги эс алуучу, оюн-зоок жайлары милиция тарабынан көзөмөлгө алынат. Бүтүрүүчүлөрдүн шаар аралап кортеждерде тартипти бузуп жүрүүсүнө жол берилбейт. Жалал-Абад ШИИБи бул күндѳрү коомдук коопсуктуу камсыздоо үчүн күчѳтүлгѳн тартипте иш алып барат.

Жалал-Абад ОИИБнын басма сѳз кызматы