828 Бардыгы /

7-майда Жалал-Абад шаардык кеңешинин кезексиз сессиясы болду. Күн тартибинде шаардагы муниципалдык мекемелердин жана ротация жолу менен келген жетекчилерди дайындоого макулдук берүү маселеси да каралды. Кызык жери, мындагы жетекчилердин алды дайындалып, иштеп жатканына 9 айдын жүзү болду. Мындан улам аткаруу бийлиги эмне себептен макулдашууга алып чыгышкан эмес деген суроо туулат.

Буга Мэриянын бөлүм башчысы Маликахан Мустапакулова андан берки сессияларда жыл жыйынтыгы жана бюджеттик маселелер каралып эми гана убакыт жетти деп билдирди. Ошондой эле алтоо конкурс жолу менен экөө атайын жобо менен дайындалганын, бул жерде 4 жетекчи гана талкуу болгонун кошумчалады.

Анткен менен шаардык кенештин депутаты Шайырбек Ташиев “Бул маселени биз көтөрбөгөндө билбейт болчуңар” деп сессия учурунда эскертүү берди. Депутат жетекчилердин дайындалышына макулдук алынбагандыгын жана атайын жобонун талаптары бузулгандыгын депутаттар өздөрү көтөрүп чыгышканын, бирок аткаруу бийлигине мындай катачылык кайталанбашы керектигин катуу эскертишкенин кошумчалады.

Отурумда талкууланган жаңы дайындалган жетекчилердин сап башы биринчи вице-мэр Майрамбек Адылбековдон башталды. Ал дайындалып иштеп жатканына 9 айдын жүзү болуп жатат. Андан сырткары,  коммуналдык чарба иштери боюнча вице-мэрден тарта жашылдандыруу, суу-канал тармактарын жетектеген жетекчилерге макулдук берүү алдынан олуттуу сын-пикрилерин айтышып, бирок кеч болсо да макулдук беришти.

Эске сала кетсек, Мындан бир жыл мурда, тактап айтканда 11-июнда, Жалал-Абад шаарына жаңы мэр шайланган. Андан кийин август айынан баштап, 11 жетекчи кызмат ордунан түшүп, жаңысы дайындалганы белгилүү болду. Бирок, аларды дайындоого шаардык кеңештен депутаттарынан өз убагында макулдук алынбай, дайындоо жобосунун тартиби бузулган.  Эми аткаруу бийлигинен ким-бирөө жоопкерчилик тартабы же ошол бойдон кала береби, бул жагы табышмак.