АЛА-БУКА РИИБи АКЫРКЫ КОҢГУРООГО КАРАТА ТҮШҮНДҮРҮҮ ИШТЕРИН КҮЧӨТТҮ

1,090 Бардыгы /

ЖАЛАЛ-АБАД. Ала-Бука РИИБи акыркы коңгуроого карата алдын алуу жана түшүндүрүү иштерин жүргүзүүдѳ

Ушул багытта жер-жерлердеги ШРИИБдер ар кандай кырсыктардын, укук, тартип бузуулардын алдын алуу максатында, мектеп окуучулары жана ата-энелер арасында түшүндүрүү иштерин күчѳтүп алып барышууда.

13-16-май күндѳрү Ала-Бука РИИБнин начальниги, милициянын полковниги Р.А.Сулаймановдун катышуусунда, райондук мамлекеттик администрация ѳкүлдѳрү, билим берүү бѳлүмүнүн кызматкерлери жана айыл башчылар менен биргеликте атайын жыйындар уюштурулду. Иш-чарага ата-энелер да чакырылып, аларга акыркы коңгуроо күндѳрү балдарын кѳзѳмѳлгѳ алып, ар кандай ээн эркиндик мамиледен жана кечки кѳнүл ачуулардан оолак болууга чакырышты. Мындан сырткары район аймагындагы билим берүү мекемелерине Ала-Бука РИИБнин ѳздүк курамынан бирден кызматкер бѳлүнүп, алдыдагы күндѳрү үзгүлтүксүз түшүндүрүү иштери жүргүзүлѳѳрү белгиленди.

Жыйын учурунда Ала-Бука РИИБнин начальниги, милициянын полковниги Р.А.Сулайманов сѳз сүйлѳп ата-энелерди жоопкерчиликтүү болууга чакырды. – «Урматтуу ата-энелер алдыдагы күндѳрү балдарыңыздардын кайда жүргѳндүгүн кѳзѳмѳлдѳп туруңуздар. Бүтүрүүчүлөрдүн кортеждерде тартипти бузуп жүрүүсү катталса, окуучулар арасында терс жагдайлар орун алса КРнын мыйзамдарына ылайык жоопкерчиликке тартылат. Кафе-ресторандар, район аймагындагы эс алуучу, оюн-зоок жайлары көзөмөлгө алынып, милиция күчѳтүлгѳн тартипте иш алып барат» – деди милициянын полковниги Р.А.Сулайманов.