1,789 Бардыгы /

НУР-СУЛТАН. Нур-Султан шаарында Кыргызстандын Казакстандагы Элчиси Ж. Кулубаев “Кыргызстан-Астана” этномаданий Коомдук бирикмеси тарабынан Нур-Султан шаарынын акимиаты жана Казакстан Элдер Ассамблеясынын колдоосу аркасында уюштурулган Кыргыз жана Казак Эл жазуучусу Чыңгыз Айтматовдун 90 жылдыгына арналган төгөрөк үстөлгө жана “Тоолордун жана талаалардын жолугушу” көргөзмөсүнүн ачылышына катышты.

Иш-чарада сүйлөгөн Казакстан Элдер Ассамблеясынын Төрагасынын орун басары Ж. Туймебаев, Нур-Султан шаарынын акиминин орун басары Е. Каналимов, Л.Н.Гумилев атындагы ЕУУокутуучусу М. Жолдасбеков, жазуучу Р. Айтматова жана башкалар өздөрүнүн улуу калемгер менен болгон жолугушуулары жөнүндө эскерүүлөрүн жана жазуучунун чыгармачыл мурасынын заманбап кыргыз, казак жана дүйнө маданиятын калыптандыруу ролу жөнүндө ой жоруулары менен кенен-чонон бөлүшүштү.

Тегерек үстөлдүн катышуучуларынын пикиринче, Чыңгыз Айтматов бүтүндөй Түрк элинин жалпы адабий мурасы жана сыймыгы болуп саналат. Өз

кезегинде Элчи Ж. Кулубаев дагы сөз сүйлөп, жаш муунду Чыңгыз Айтматовдун адабиятына жакындаштыруунун, ошондой эле Кыргызстан менен Казакстандын боордош элдеринин ортосундагы маданий байланышты бекемдөөнүн зарылдыгын баса белгиледи. Буга удаа бардыгы НурСултан калаасындагы №79 мектеп-гимназияда Чыңгыз Айтматовдун музейинин ачылышына дагы катышты.

Аталган мектептин окуучулары музейдин ичинде сүрөт көргөзмөсүн, ошондой эле жазуучунун китеп көргөзмөсүн дагы уюштурушту.

Алишер ТОКСОНБАЕВ, өз кабарчы