1,683 Бардыгы /

         ОШ. Ош шаарында 107- маршруттук каттам Рамазан айында жүргүнчүлөрдү акысыз ташый баштады. Бул жөнүндө Ош шаардык жүргүнчүлөрдү ташуу Агенттигинин кызматкери Эмил Жумаев билдирди. Бул жышаан эмиРамазан айынын аягына дейре улантылат.

            – Орозо башталгандан бери 107- маршурттук каттамдын жетекчилери  жана айдоочулары өз ара кеңешип-таңашып,  шаар тургундарына жеңилдик берүү максатында атайын акысыз ташый баштадык. Бул демилгени биздин кызматкерлердин баары толук бойдон колдоду. Айдоочулар мурдагыдай тартип менен эле иштеп жатышат, – деп кошумчалады Ош шаардык жүргүнчүлөрдү ташуу Агенттигинин кызматкери Эмил Жумаев.

         Айтмакчы, Ош шарындагы аталган маршруттук каттам эки жылдан бери орозодо жүргүнчүлөрдү бекер эле ташып келет.

Алишер ТОКСОНБАЕВ, өз кабарчы