2,637 Бардыгы /

Анжиянда кезинде мечит катары курулган имарат аукционго коюлду. Мажбурлап аткартуу бюросунан билдиришкендей, имарат Анжиян акимчилигинин алдындагы Инфраструктуралык объектилерди башкаруу борборунун «Алокабанкка» болгон карызынан кутултуу максатында сатылууда.

Имарат 1991-жылы ашар жолу менен Сауд Арабиянын каржылык колдоосу алдында курулган. Өзбекстандын мусулмандар дин башкармалыгынан имарат 1998-жылга чейин мечит жана медресе катары пайдаланылып келингенин билдиришти.

​Мажбурлап аткартуу бюросунун алдындагы Электрондук-онлайн аукциондорду уюштуруу борборунун сайтындагы маалыматка ылайык, имарат сатыкка коюулуп, аукцион 3-июнга белгиленген. Баштапкы баасы 767 500 000 сум (91 миң доллар) деп көрсөтүлгөн.

2018-жылдан бери имаратта аз камсыз болгон 25 үй-бүлө жашап келген. Жергиликтүү тургундардын айтымдарында, ал адамдардын жашоосуна ылайыкталбагандыктан, имаратка убактылуу жайгаштырылган үй-бүлөлөр антисанитардык шарттарда жашашат.

19-майда «Севимли» телеканалы мечит имаратында жашаган үй-бүлөлөргө башка райондон батирлер бөлүнүп берилгенин жана адамдар көчүп кете башташканын билдирген.

www.