Аймак

КАЗАК МИНИСТРИ КЕСИПТЕШИНИН ЧАКЫРУУСУНА ЫЛАЙЫК КЫРГЫЗСТАНГА САПАРЛАДЫ

КАЗАК МИНИСТРИ КЕСИПТЕШИНИН ЧАКЫРУУСУНА ЫЛАЙЫК КЫРГЫЗСТАНГА САПАРЛАДЫ

 1,409 Бардыгы /

            БИШКЕК. Кыргызстандын Тышкы иштер министри Чыңгыз Айдарбековдун чакыруусуна ылайык Казакстандын Тышкы иштер министри Бейбут Атамкулов Кыргызстанга расмий сапары менен келди.

Эки өлкнүн Тышкы саясий ведомстволорунун башчылары тар жана кеңири курамда Кыргыз-Казак мамилелеринин актуалдуу жана учурдагы маселелеринин кеңири чөйрөсүн талкуулашты. Союздаштык мамилелер жана стратегиялык өнөктөштүк духунда Кыргыз Республикасы менен Казакстан Республикасынын ортосундагы өз ара пайдалуу кызматташтыкты мындан ары тереңдетүнү тараптар жактай тургандыгын ачыкташты. Эки өлкөнүн Ппезиденттеринин, Парламенттеринин, Өкмөттөрүнүн жана Аймак башчыларынын деңгээлинде үзгүлтүксүз саясий жана экономикалык диалогду туруктуу колдоого өз ара кызыкдарлыгын дагы билдиришти. Эл аралык уюмдардын жана Аймактык бирикмелердин алкагында өз ара аракеттенүү маселелери боюнча дагы пикир алмашышты.

Ошондой эле Министрлер эки өлкөнүн Мамлекет жана Өкмөт башчыларынын деңгээлинде жетишилген макулдашууларды ишке ашыруунун жүрүшүн карап чыгышты. Ушул жылы пландаштырылган эки жана көп тараптуу тышкы саясий иш-чараларды, жогорку жана эң жогорку деңгээлдердеги иш-сапарларды жана жолугушууларды уюштуруу маселелерин дагы талкуулашты. Экономикалык кызматташтыкка, өз ара соода-сатыкта жана жүк ташууларды ишке ашырууда бөгөттөрдү четтетүүгө, Кыргыз-Казак мамлекеттик чек арасындагы кээ бир өткөрмө бекеттеринин ишин жакшыртууга, туристтик жана башка чөйрөлөрдө өз ара аракеттенүүгө өзгөчө көңүл бурулду.

Сүйлөшүүнүн башында эки өлкөнүн Тышкы саясий ведомстволорунун башчылары«Ак-Жол» (Кыргыз Республикасы) жана «Кордай» (Казакстан Республикасы)өткөрмө бекеттерине барышып, алардын иши менен жеринде таанышып, аны реконструкциялоо маселелерин дагы талкуулашты. Бул жолугушууда Кыргызстан менен Казакстандын тиешелүү мамлекеттик органдарынын өкүлдөрү, атап айтканда, Чекара кызматтарынын башчылары дагы кошо жүрүштү. Алар өткөрмө бекетин модернизациялоого багытталып, жүргүзүлүп жаткан иш туурасында маалымат дагы беришти. Туристтик сезондун жыйынтыгы боюнча аталган өткөрмө бекетинин инфратүзүмүн жакшыртуу боюнча иштерди баштоо үчүн эки өлкөнүн профилдүү ведомстволору   жакынкы убактарда бардык зарыл иш-кагаздарды макулдашууну сүйлөшүштү.

Аталган сапардын жыйынтыктары боюнча Кыргыз Республикасынын Тышкы иштер министрлиги менен Казакстан Республикасынын Тышкы иштер министрлигинин ортосундагы 2019-2020-жылдарга Кызматташуу Программасына, ошондой эле Чек ара өкүлдөрүнүн ишмердүүлүгүнүн тилкелери жөнүндө Кыргыз Өкмөтү менен Казакстан Өкмөтүнүн ортосундагы Протоколго дагы кол коюлду.

 

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17