1,814 Бардыгы /

БАТКЕН. Өлкөбүздүн эң алыскы аймагы катары эсептелген Сүлүктү шаарында дагы Энелер күнү белгиленди. Аталган калаанын мэриясы энелер күнүнүн урматына шаардагы 150 энени чакырып, сый тамак дагы уюштурду.

Баса, чакырылган апалардын арасында көп балалуу баатыр энелер, эмгектин ардагерлери, социалдык жактан жардамга муктаж энелер, ар кайсы тармакта үзүрлүү эмгектенип, ушул тапта эс алууга чыккандар дагы бар.

            Бул күнү Сүлүктү шаарындагы апаларды Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаров өзү куттуктады: – Адам баласына өмүр тартуулаган апалардын, ар бир баланын адам болуп калыптанышында, үй-бүлөнүн бакубатчылыгында жана өлкөбүздүн өсүп-өнүгүшүндө эмгеги эбегейсиз, – деген облус башчысы жылуу каалоо-тилектерин айтуу менен, үч энеге “Баатыр эне” орденин, 9 энеге “Эне даңкы” медалын тапшырды.

            Айтмакчы, Сүлүктү шаарында 2011-жылдан бери “Баатыр эне” ордени 94 энеге, “Эне даңкы” медалы 37 энеге ыйгарылган.