2,113 Бардыгы /

Жашылча жылдагыдан аз жыйналары болжолдонууда. Мындан кийинки жылдары да азайышы мүмкүн.

Ноокен райондук агрардык өнүктүрүү башкармалыгынын маалыматы боюнча жашылга эгүү 142 гектарга азайган. Анын ордуна пахта эгүү 669 гектарга көп болгон. Анткени, областта биринчилерден болуп жашылча жетиштирген ноокендиктер болгону менен, чек ара ачылгандан бери Өзбекстандан алгачкы жашылчалар келип калууда. 

Ал эми Ноокен районунун акими Эркинбек Мамтаевдин айтымында жашылча жемиштер келерки жылы да, мурдагы жылдарга салыштырмалуу аз өндүрүлүшү болжолдонууда. Ошондой эле аким быйыл айыл чарба тармагында эң көп паха эгилгендигин кошумчалады.

Мисалга ала турган болсок, жашылча өстүрүү Ноокен районунун “Достук”, “Бүргөндү” айыл аймактарында жакшы жолго коюлган, 2019-жылдын 16-майына карата эки айыл аймакта биригип 1 миң 263 гектар жашылча эгилген жана 1 миң 112 гектар пахта эгилген. Ал эми  пахта өстүрүү “Сакалды” айыл аймагында көп. Жогорудагы күнгө карата Сакалдынын өзүндө эле 2 миң 485 гектар пахта эгилип бүткөн.