1,125 Бардыгы /

            ОШ. Кыргыз Өкмөтүнүн Ош облусундагы ыйгарым укуктуу өкүлүнүн орун басары Ахмаджан Махаммадов Дүйнөлүк Банктын Чи Юн Хуан жетектеген өкүлдөрү менен жолугушту.

            – Диалогдун соңунда Дүйнөлүк Банк Ош облусундагы ишкерликти өнүктүрүүгө жалпысынан 45 миллион доллар бөлүүнү абдан катуу убадалады. Бул максатта бул Эл аралык Уюмдун абройлуу делегациясы Ош облусунун Өзгөн жана Кара-Суу райондору менен жеринде таанышып, ишкерлер менен кенен-чонон баарлашып, анан гана макулдашууларга кол коюшат, – деди Кыргыз Өкмөтүнүн Ош облусундагы ыйгарым укуктуу өкүлүнүн орун басары Ахмаджан Махаммадов.

            Маалыматка караганда, Дүйнөлүк Банк элет жергесиндеги майда ишкерликке абдан катуу көңүл буруп жаткан чагы. Ошондуктан, бул сапар Ош облусун иргеп, бул багытта сыноо иретиндеги бир катар долбоорлорду жүзөгө ашырышмакчы.

                        Алишер ТОКСОНБАЕВ, өз кабарчы