2,765 Бардыгы /

            БИШКЕК. Кыргыз Республикасынын Тышкы иштер министрлигинин 75 жылдыгы үстүбүздөгү жылдын 24-октябрында дипломатиялык кызматкерлердин күнүндө Бишкек шаарында салтанаттуу белгиленет.

            – 1944-жылы СССРдин Конституциясына өзгөртүүлөр киргизилип, буга ылайык ар бир союздук республиканын Тышкы иштер боюнча комиссариатын түзгөнгө уруксат берилген. Ошондуктан, ошол эле жылдын 17-мартында Кыргыз ССРинин Тышкы иштер комиссариаты уюштурулуп, Элдик комиссарлыкка Казы Дыйкамбаев дайындалган, – деп кошумчалады Кыргыз Республикасынын Тышкы иштер министри Чыңгыз Айдарбеков.

            Кыргыз Республикасынын Тышкы иштер министрлигинин алдында “КыргызДипСервис” мамлекеттик ишканасы жана Казы Дыйкамбаев атындагы Дипломатиялык Академиясы бар. “КыргызДипСервис” мамлекеттик ишканасы чет өлкөлөрдөгү Элчиликтерди автоунаалар менен камсыздап, ишмердүүлүгүн дагы жөнгө салып турат. Ал эми Казы Дыйкамбаев атындагы Дипломатиялык Академия Кыргызстандын ичинде Эл аралык тармактагы адистерди бакалавр жана магистар системасында үзгүлтүскүз даярдайт.

                        Алишер ТОКСОНБАЕВ, өз кабарчы