1,531 Бардыгы /

            САНКТ-ПЕТЕРБУРГ. Санкт-Петербург шаарынын Улуттар үүйндө  Кыргыз Республикасынын Орусиядагы Элчиси Аликбек Жекшенкулов аталган калаада эмгектенип жана жашып жатышкан Кыргыз диаспорасынын өкүлдөрү менен жолугушту.

Адегенде Кыргыз диаспорасынын активисттери Элчи менен мурунку жолугушуудагы каралган маселелердин жыйынтыктары боюнча – шаардык диаспоралык уюмдардын алдында Кыргыз диаспорасынын Координациялык КЕңешин түзүү жана төрагасын шайлоо, ошондой эле Чыңгыз Айтматов атындагы сейил бакты жашылдандыруу боюнча маалымат беришти. Андан ары Кыргыз Элчиси катышуучулар менен консулдук, миграциялык багыттардагы актуалдуу маселелер, алардын ичинде Орусияда дипломатиялык өкүлчүлүктөрдү кеңейтүү, «Жүк-200дү» Кыргызстанга жөнөтүү, Элчиликтин консулдук ишин жакшыртуу, жарандардын Орусия аймагында туруу тартиптери, ошондой эле Москва шаарында мигранттарга көмөк көрсөтүү Фондун түзүү пландарын талкуулады. Ошону менен бирге мекендештерибиздин Орусиянын тийиштүү мыйзам, эрежелерин сактоого өзгөчө көңүл бурулду.

Мындан тышкары бул иш-чаранын катышуучулары 2020-жыл Кыргыз Республикасынын Президенти Сооронбай Жээнбеков жана Орусмия Президенти В.Путин тарабынан эки өлкөдө Кыргызстан менен Орусиянын жылы деп жарыялангандыгы тууралуу маалымат алышты. Анан Улуу Ата- Мекендик согуштагы Жеңиштин  75 жылдыгын белгилөө боюнча иш-чараларды даярдоо жана өткөрүү тууралуу Президенттин Жарлыгына кол коюлгандыгын белгиледи.  

Соңунда Санкт-Петербург шаарынын Улуттар үйүндө Кыргыз Элчиси Аликбек Жекшенкулов «Поступок» Кайрымдуулук фондунун «Память» долбоорунун жетекчиси А.Нарваткина менен жолугушуп, анда Кыргыз тарабына Улуу Ата-Мекендик согуш жылдарында Ленинград шаарын коргогон Кыргызстандын Ысык-Көл облусунда туулган 109 аскер тууралуу маалымат (сыйлыктары, согуш жолдору, сөөөктөрү коюлган жерлери тууралуу) тапшырылды. Элчи Кайрымдуулук фондуна жана «Память» долбооруна мындай ак ниет, өтө баалуу эмгектерин, азыркы кезде жаш муундарды тарбиялоодо үлгү болззрлук эрдик экендигин баса белгилеп, Кыргыз аскерлеринин тагдырларын иликтөөлөрү үчүн терең ыраазычылыгын билдирип кетти.  Өз кезегинде «Память»  долбоорунун өкүлдөрү Кыргызстандын башка облустарында туулган, Ата-Мекендик согушта курман болгон аскерлер боюнча маалымат жыйноого даяр экендиктерин ачык билдиришти.

                        Алишер ТОКСОНБАЕВ, өз кабарчы